"რომას" მთავარმა მწვრთნელმა, ლუის ენრიკემ "იუვენტუსთან" დღევანდელ შეხვედრაზე ისაუბრა."ბებერ ქალბატონს" მიმდინარე სეზონში წაგება არ აქვს, თუმცა ესპანელი სპეციალისტი იმედოვნებს, რომ მის გუნდს ტურინელთა წარმატებული სერიის შეწყვეტა შეუძლია.
"იუვენტუსი" საოცრად ძლიერია. მიუხედავად იმისა, რომ საკუთარ მოედანზე ვთამაშობთ, სამი ქულის აღება ძალიან რთული იქნება. საჭიროა მთელი ძალისხმევა გამოვიყენოთ, სხვაგვარად ძალიან გაგვიჭირდება. თუმცა "იუვენტუსის" არ გვეშინია და საკუთარი თავის გვჯერა", - აღნიშნა ესპანელმა.
