"იუვენტუსის" მცველმა ჯორჯო კიელინიმ, რომლის გუნდმაც "რომასთან" გასვლით მატჩში ფრეს (1:1) მიაღწია, შეხვედრის შემდეგ რთულ დაპირისპირებაში მოპოვებული ქულის მნიშვნელობაზე ისაუბრა."იმის გათვალისწინებით, თუ როგორ დაიწყო ჩვენთვის მატჩი, შეიძლება ითქვას, რომ ეს ძალიან მნიშვნელოვანი ქულაა. ეს აჩვენებს, რომ მაშინაც კი, როდესაც ვმარცხდებით, გვაქვს ძალა, რათა წონასწორობა აღვადგინოთ.
დღეს ბევრი კონტრშეტევა გავატარეთ, მაგრამ საერთო ჯამში მატჩის შედეგი დადებითია, რადგან კვლავ ცხრილის სათავეში დავბრუნდით.
რა თქმა უნდა, რომში მოსაგებად ჩამოვედით და გამარჯვებას საფინალო სასტვენამდე ვცდილობდით, მაგრამ ამ შედეგს დანაკარგს ვერ ვუწოდებ", - თქვა
"რომა" სერია A-ს XV ტურის მატჩში "იუვენტუსთან" შეხვედრის მე-5 წუთზე დე როსის გოლით დაწინაურდა, საპასუხო გოლი კი სტუმართაგან კიელინიმ 61-ე წუთზე გაიტანა.
