იტალიელი რეფერი ჯანლუკა როკი, რომელიც "ბოლონიასა" და "მილანს" შორის იტალიის ჩემპიონატის მე-15-ე ტურის მატჩს სჯიდა, უხეირო მუშაობისთვის მსაჯობას ორი ტურით ჩამოაშორეს. მსაჯმა რამდენიმე სადავო გადაწყვეტილება მიიღო, რაზეც მატჩისშემდგომ პრესკონფერენციაზე ორივე გუნდის მწვრთნელმა აღშფოთებულმა ისაუბრა. "მილანის" თავკაცმა მასიმილიანო ალეგრიმ განაცხადა, რომ ფლორენციელი არბიტრი "ორმხრივ შეცდომებს უშვებდა".
