"რომას" გენერალურმა დირექტორმა ფრანკო ბალდინიმ გუნდის თავკაც ლუის ენრიკეზე ისაუბრა. დაირხა ხმები, რომ არადამაკმაყოფილებელი შედეგების გამო ესპანელი სპეციალისტი, შესაძლოა, თანამდებობიდან მალე გადადგეს. შეგახსენებთ, რომ "იუვენტუსთან" მატჩის შემდეგ "რომამ" სერია A-ს სატურნირო ცხრილში მეცხრე ადგილზე გადაინაცვლა.
"უპირველეს ყოვლისა, ლუის ენრიკე არაჩვეულებრივი მწვრთნელი და შესანიშნავი ადამიანია. ფეხბურთში მოქმედებს წესი "არასდროს თქვა არასდროს" იმიტომ, რომ წინასწარ განსაზღვრული არაფერია. დარწმუნებული ვარ, რომ ჩვენი მწვრთნელი არასდროს დანებდება. ის მებრძოლია", - განაცხადა ბალდინიმ.
