"პარმას" არგენტინელმა თავდამსხმელმა განაცხადა, რომ იტალიაში ბოლო სეზონს ატარებს. "ეს სერია A-ში ჩემი გამოსათხოვარი სეზონია. ივნისში უმაღლეს დონეზე ფეხბურთის თამაშს თავს დავანებებ.
რა იქნება შემდეგ? გაერთიანებული არაბეთის ემირატები, ყატარი, აშშ - ყველაფერი შესაძლებელია. იმ ვარიანტს ავირჩევ, რომელიც დამაინტერესებს. მსურს კარიერა მშვიდ გარემოში დავასრულო, შემდეგ კი იტალიაში დავბრუნდები", - განაცხადა კრესპომ.
არგენტინელი აპენინებზე 1996 წელს გადავიდა, როდესაც "პარმამ" "რივერ პლეიტისგან" შეიძინა. შემდეგ კრესპო "ლაციოს", "ინტერის", "ჩელსის", "მილანის" და "ჯენოას" ღირსებას იცავდა, 2010 წლის იანვარში კი ისევ "პარმაში" დაბრუნდა.
