"ინტერის" მთავარმა მწვრთნელმა, კლაუდიო რანიერიმ, რომლის გუნდმაც იტალიის სერია A-ს პირველი ტურის გადადებულ მატჩში "ლეჩე" გაანადგურა, თამაშის შემდეგ დაიჩივლა, რომ ანგარიშში სხვაობა 4:1-ზე გაცილებით უფრო დიდი უნდა ყოფილიყო."დღეს საშინლად არ გვიმართლებდა – ბურთი ძელს ოთხჯერ გავარტყით. კარგია, რომ მას შემდეგ რაც მეტოქემ უპირატესობა მოიპოვა გონს უცებ მოვეგეთ. "ინტერს" შობის წინ გამარჯვება სურდა. იქ უნდა დავბრუნდეთ, სადაც ვიმსახურებთ ყოფნას. ეს რთული იქნება, მაგრამ არაფერს დავიშურებთ. სკუდეტო? ჩვენ მატჩიდან მატჩამდე ვუმატებთ", - განაცხადა 60 წლის სპეციალისტმა.
