"სანტოსის" ცენტრალური ნახევარმცველი, განსო, შესაძლოა, "მილანში" გადავიდეს. "როსონერის" ხელმძღვანელობა 22 წლის ფეხბურთელის შეძენის შესახებ ოფიციალური წინადადებით მიმართავს. გარიგების თანხამ შესაძლოა, 20 მილიონი ევრო შეადგინოს.აღსანიშნავია, რომ "მილანი" ნახევარმცველის შეძენას ჯერ კიდევ ზაფხულში ცდილობდა, მაგრამ განსომ ზედიზედ ორჯერ ბარძაყის ტრავმა მიიღო და იტალიური კლუბი მის ფიზიკურ მზადყოფნაში დაეჭვდა.
იტალიური გაზეთების ცნობით, განსოს შეძენას მახაჭყალის "ანჟიც" ეცდება, რომელიც ფეხბურთელის სანაცვლოდ 50 მილიონი ევროს გადახდას აპირებს.
