ბრაზილიელი ფეხბურთელი კატე ავტოკატასტროფის შედეგად სიცოცხლეს გამოეთხოვა.გუშინ კატე ავტომოლით გადაადგილებისას სატვირთო მანქანას შეეჯახა, რომელიც მის წინ მოულოდნელად გამოჩნდა. ტრაგედიის გარემოებებს პოლიცია გამოიძიებს. ცნობილია, რომ იმ დღეს ძლიერად წვიმდა.
ფეხბურთელმა "სამპდორიაში" 15 მატჩი ჩაატარა და 1 გოლი გაიტანა. ის ასევე გამოდიოდა "სან პაულუს", "გრემიოს", "ფლამენგოს", "უნივერსიდად კათოლიკას" და "პალესტინოს" შემადგენლობაში. "სან პაულუს" შემადგენლობაში მან ლიბერტადორესის თასი და საკონტინენტთაშორისო თასი მოიგო.
