ალბერტო ჯილარდინომ სამედიცინო შემოწმება წარმატებით გაიარა, რაც იმის მაუწყებელია, რომ სულ მალე "ჯენოასთან" 4.5-წლიან ხელშეკრულებას გააფორმებს. გენუური კლუბის მესვეურებს ჯილას გადაბირება ჯერ კიდევ გასულ ზაფხულს სურდათ, მაგრამ მაშინ ფლორენციელებმა 29 წლის ფორვარდის გაშვებაზე კატეგორიული უარი განაცხადეს. ამჯერად, მოლაპარაკებები წარმატებით დასრულდა და სერია A-ს მომდევნო ტურიდან ალბერტო უკვე "ჯენოას" ღირსებას დაიცავს.
"ჯენოას" პრეზიდენტმა ენრიკო პრეციოზიმ კიდევ ერთხელ გამოთქვა კმაყოფილება იმ ფაქტით, რომ მის გუნდში თანამედროვეობის ერთ-ერთი საუკეთესო ფორვარდი გადადის. ვეჭვობთ, ამ მოსაზრებას ბევრი არ დაეთანხმება, მაგრამ პრეციოზისაც უნდა გავუგოთ - "ჯენოას"
თავად ფეხბურთელი პრესასთან ურთიერთობისგან ჯერჯერობით თავს იკავებს და ალბათ მხოლოდ მას შემდეგ გამართავს ბრიფინგს, როდესაც მხარეებს შორის ხელშეკრულება გაფორმდება.
ყოველდღიური სპორტული გაზეთი "ლელო"
