ტურინის "იუვენტუსის" თავდამსხმელი ამაური შესაძლოა ამ ზამთარს "ფიორენტინაში" გადაბარგდეს. 31 წლის ფორვარდს "იუვენტუსთან" კონტრაქტი სეზონის ბოლოს უმთავრდება, თუმცა კლუბი წინააღმდეგი არაა, ფეხბურთელს ნაადრევადაც გამოემშვიდობოს.
თავის მხრივ "ფიორენტინა" მზადაა, ამაურის სახელფასო მოთხოვნები დააკმაყოფილოს, მაგრამ მხარეებს შორის აზრთა თანხვედრა არაა კონტრაქტის ვადებზე. თავდამსხმელს სურს, რომ ხელშეკრულება 2014 წლამდე გაფორმდეს, მაშინ როცა ფლორენციული კლუბი ამას 2013 წლამდე ითხოვს.
