"რომას" მთავარმა მწვრთნელმა, ლუის ენრიკემ გუნდის შვებულებიდან გამოსვლის შემდეგ განაცხადა, რომ რომაელებმა აუცილებლად უნდა გააგრძელონ ის კურსი, რომელიც შარშან წლის მიწურულს აიღეს. შეგახსენებთ, რომ ბოლო სამ მატჩში "რომამ" შვიდი ქულა მოიპოვა.
"რასაც წლის ბოლოს ვაკეთებდით, უნდა გავაგრძელოთ. სწორ გზაზე ვდგავართ. მუშაობა იმავე ენთუზიაზმით და კონცენტრაციით უნდა განვაგრძოთ. უფრო სწორედ, ამ კომპონენტებშიც უნდა მოვუმატოთ, რათა იმ შედეგს მივაღწიოთ, რომელიც მიმდინარე სეზონში გვსურს", - განაცხადა ესპანელმა სპეციალისტმა.
