ბოლო პერიოდში, ძალიან ხშირად იწერება იმის შესახებ, რომ მასიმილიანო ალეგრისა და ალეშანდრე პატოს შორის შავმა კატამ გაირბინა, რამაც შესაძლოა ბრაზილიელი ფორვარდის სხვა გუნდში გადაბარგება გამოიწვიოს. დასახელდა კონკრეტული ვარიანტებიც, რომელთა შორის ყველაზე აქტუალური მისი ფრანგულ პსჟ-ში გადასვლა გახლდათ. ეს ინფორმაცია თავად ფეხბურთელმა უარყო, თუმცა არ დამალა, რომ ალეგრისთან არც თუ კარგი ურთიერთობა აქვს და ამის ნიადაგზე, მასთან მცირე შელაპარაკებაც კი მოუვიდა. ამ საკითხზე კომენტარი "მილანის" თავკაცმაც გააკეთა და შემდეგი განაცხადა:
"პატო ძალიან ახალგაზრდაა, მხოლოდ 22 წლის და მესმის, რომ ბევრ რამეს
დარწმუნებული ვარ, რომ ალეშანდრესთან არავითარი პრობლემა არ მექნება და ჩვენ ჩვეულებრივად გავაგრძელებთ ერთი საქმის კეთებას. ჩემთვის მთავარი ის არის, რომ ვარჯიშებზე ბოლომდე იხარჯება და სურს, უფრო და უფრო მეტი ისწავლოს. საქმისადმი ასეთი მიდგომით, ის მუდამ სასურველი ფეხბურთელი იქნება ჩემი "ფორმაციის "მილანისათვის". ასე რომ, სანერვიულო არაფერია და მინდა ვთხოვო ჟურნალისტებს, რომ ბუზისგან სპილოს ნუ აქცევენ".
ყოველდღიური სპორტული გაზეთი "ლელო"
