"მილანის" იტალიელი მცველის ჯანლუკა ძამბროტას თქმით, კარლოს ტევესის კლუბში მოსვლა, რომელიც თავისი რთული ხასიათით არის ცნობილი, გუნდში განწყობას არ წაახდენს."ტევესი ჩვენს დისციპლინას დაარღვევს და კოლექტივში ფეხბურთელების ურთიერთობას გააფუჭებს? რა სისულელეა. იგივეს ანტონიო კასანოზეც იძახდნენ, როცა ის "მილანში" გადმოვიდა.
და იბრაჰიმოვიჩი? არც შვედია "ანგელოზი", მაგრამ მასთან პრობლემები არ ყოფილა.
იმ შემთხვევაში თუ ტევესის ტრანსფერი შედგა, მაშინ არგენტინელი ისევე ათამაშდება, როგორც ეს ორნი", - განაცხადა "ბარსელონას" ყოფილმა მარჯვენა მცველმა.
მომზადებულია La Stampa-ს მიხედვით
