იტალიის ნაკრების მთავარმა მწვრთნელმა ჩეზარე პრანდელიმ განაცხადა, რომ მარკო ბორიელოს თამაშს, რომელიც "რომადან" "იუვენტუსში" გადავიდა, ყურადღებით დააკვირდება. ფორვარდი ტურინელთა შემადგენლობაში სეზონის ბოლომდე იჯარის წესით ითამაშებს. ბორიელო ეროვნული ნაკრების შემადგენლობაში მოედანზე ბოლოს 2011 წლის თებერვალში, გერმანიის ნაკრების წინააღმდეგ ამხანაგურ მატჩში (1:1) გამოვიდა.
"ბორიელო უმაღლესი კლასის ფეხბურთელია. ის ნაკრებში ადრეც გამოდიოდა, მაგრამ "რომაში" თავის გამოჩენის საკმარისი შესაძლებლობა არ გააჩნდა, რის გამოც არ ვიძახებდი.
იმედი მაქვს, "იუვენტუსში" ახლებურად გაიხსნება. მის თამაშს ყურადღებით დავაკვირდები", - თქვა პრანდელიმ.
