"რომას" ნახევარმცველმა დანიელე დე როსიმ განაცხადა, რომ მისი მომავლის შესახებ საუბრები მობეზრდა. ეს ხმები იმის გამო წარმოიშვა, რომ 28 წლის ფეხბურთელს კონტრაქტი მიმდინარე სეზონის ბოლოს ეწურება, ახალი ხელშეკრულება კი ჯერაც არ გაუფორმებია."ამ საკითხზე ვმუშაობთ. როდესაც საბოლოო გადაწყვეტილებას მივიღებთ გამოქვეყნდება კიდეც. "საპნის ოპერები" არ მიყვარს, ჩემი კონტრაქტის ირგვლივ შექმნილი მდგომარეობა კი ამას ემსგავსება. დარწმუნებულნი ბრძანდებოდეთ, რომ საჭირო დროს ყველაფერს გაიგებთ", - თქვა დე როსიმ იტალიელ ჟურნალისტებთან საუბარში.
