"მილანის" 19 წლის ცენტრალურმა ნახევარმცველმა, ალექსანდრ მერკელმა იტალიის თასის გუშინდელ მატჩში "ლაციოსთან" მოედანი ტრავმის გამო 70-ე წუთზე დატოვა. პირველადი დიაგნოზი, რომელიც ფეხბურთელს დაუსვეს, მუხლქვედა მყესების გაჭიმვაა. უახლოეს ხანში მერკელი საფუძვლიან სამედიცინო გამოკვლევას გაივლის.
აღსანიშნავია, რომ გერმანელისთვის ეს "ჯენოადან" დაბრუნების შემდეგ მხოლოდ მესამე მატჩი იყო.
