იტალიის ჩემპიონატის 23-ე ტურის მატჩს "სიენასა" და "რომას" შორის, რომელიც ორშაბათს, 13 თებერვალს 23:45 საათზეა დანიშნული, უფრო ადრე ჩაატარებენ. სერია A-ს ხელმძღვანელობას შეხვედრის გადატანა ორივე კლუბმა მოსთხოვა. მიზეზი ისევ და ისევ ცივი ამინდია, რომელიც მატჩის ნორმალურ პირობებში ჩატარების საშუალებას არ იძლევა. კლუბებს მატჩის ჩატარება ადგილობრივი დროით სამ საათზე სურთ.
შეხვედრის გადატანის გადაწყვეტილებას უახლოეს დღეებში მიიღებენ. აღსანიშნავია, რომ პარასკევ საღამოს სიენაში ექვსი გრადუსი ყინვა და თოვაა მოსალოდნელი.
