ტურინის "იუვენტუსის" მთავარმა მწვრთნელმა, ანტონიო კონტემ, რომლის გუნდმაც იტალიის თასის პირველ ნახევარფინალურ მატჩში "მილანი" დაამარცხა, თამაში შეაფასა და დუბლის ავტორ მცველ მარტინ კასერესზეც ისაუბრა."კმაყოფილი ვარ იმით, თუ როგორ შეასრულა "იუვენტუსის" თითოუელმა ფეხბურთელმა მატჩის წინ მათთვის ნათქვამი ჩემი სიტყვები. გარდა შედეგისა, თამაშში ახალი მოთამაშეების ჩართვაც მნიშვნელოვანი იყო.
რაც შეეხება კასერესს, მან დაცვაში თამაში აუცილებლად უნდა გააუმჯობესოს. თუ შეტევაში მოქმედებაზეა საუბარი, მასზე ცუდს ვერაფერს ვიტყვი", - თქვა კონტემ.
