"ინტერი" რომ კრიზისშია, ეს "ნოვარასთან" განცდილმა მარცხმა კიდევ ერთხელ დაადასტურა. დღეს უკვე ბევრს აღარ სჯერა იმის, რომ "ინტერი" სამეულში შეაბიჯებს და ჩემპიონთა ლიგის საგზურს მოიპოვებს. მილანელთა მდგომარეობა მართლაც ურთულესია: 23 ტურის შემდეგ ლომბარდიელები მეხუთე ადგილზე არიან და ლიდერთა სამეულს გვარიანად ჩამორჩებიან. და მაინც, შეძლებს "ნერაძური" ლიგის საგზურის მოპოვებას? - ამის შესახებ "გაძეტა დელო სპორტი" "ინტერის" ყოფილ და "მანჩესტერ სიტის" ამჟამინდელ მთავარ მწვრთნელს, რობერტო მანჩინის დაეკითხა და შემდეგი მოისმინა:
"გუნდი, რომელმაც ბოლო წლებში უამრავი ტროფეი მოიგო, ასე იოლად არაფერს დათმობს. დარწმუნებული
ამასობაში, პრესასთან საუბარი "ინტერის" ახლადგამოჯანმრთელებულმა ნახევარმცველმა დეიან სტანკოვიჩმა მოისურვა და შემდეგი განაცხადა: "გულშემატკივრები ჩვენგან სულ სხვა შედეგებს ელოდებიან და კარგად მესმის მათი გაწბილება.
განსაკუთრებით გულდაწყვეტილი "ნოვარასთან" მატჩის შემდეგ ვიყავი, რადგან მეტოქე ყველა კომპონენტში დავჯაბნეთ, მაგრამ გოლი არა და არ გავიდა. მთავარია, ძალები მოვიკრიბოთ, მობილიზება გავაკეთოთ და თითოეულ შეხვედრაში უდიდესი მოტივაციით გავიდეთ მოედანზე. მთავარი ბრძოლები წინ გვაქვს და ეს ყველამ უნდა გავაცნობიეროთ".
ყოველდღიური სპორტული გაზეთი "ლელო"
