"მილანის" მთავარმა მწვრთნელმა მასიმილიანო ალეგრიმ "პალერმოსთან" (4:0) იტალიის ჩემპიონატის 26-ე ტურის მატჩზე ისაუბრა."სიცილიაში გამარჯვება ძალიან მნიშვნელოვანი იყო. შესანიშნავი მატჩი ჩავატარეთ. მოთამაშეებმა საქმე მატჩის დასაწყისიდანვე მოაგვარეს.
როდესაც "მილანი" ასე თამაშობს, არსებობს რისკი, მოწინააღმდეგის კონტრშეტევები გამოგვეპაროს. რამდენიმე გოლის გატანის შემდეგ ხანდახან თამაში უნდა დავამშვიდოთ, რათა საკუთარი კარის უსაფრთხოება უზრუნველვყოთ.
იბრაჰიმოვიჩმა სამი საოცარი გოლი გაიტანა. რობინიო გუნდზე თამაშობდა, პასებს არიგებდა და მომენტებს ქმნიდა.
ანტონინის ბარძაყზე გარკვეული პრობლემები აქვს, ემანუელსონმა კი კოჭი დაიშავა. ვფიქრობ, ამ ტრავმებში არაფერი სერიოზული არ არის", - განაცხადა ალეგრიმ.
