ტურინის "იუვენტუსის" ნახევარმცველმა კლაუდიო მარკიზიომ "ბოლონიასთან" იტალიის ჩემპიონატის გადადებული მატჩის შემდეგ განაცხადა, რომ გუნდი სერია A-ს მოსაგებად ბრძოლას გააგრძელებს."მილანს" მხოლოდ ორი ქულით ჩამოვრჩებით. გუნდი კარგ ფორმაში იმყოფება, ამ სეზონში ჯერ კიდევ არ დავმარცხებულვართ. კაცნაკლულნი ვიყავით, მაგრამ "ბოლონიასთან" ღირსეული ფეხბურთის ჩვენება მაინც მოვახერხეთ.
ახლა ტრავმირებულ ფეხბურთელებზე ფიქრს აზრი არ აქვს - სრულიად კონკურენტუნარიანი შემადგენლობა გვყავს და სკუდეტოსთვის ბრძოლას გავაგრძელებთ", - განაცხადა მარკიზიომ.
მომზადებულია Football Italia-ს მიხედვით
