იტალიის სერია A-ს კლუბ "კალიარის" ხელმძღვანელობამ მთავარი მწვრთნელის გაშვება გადაწყვიტა. დავიდე ბალარდინი თავის სამწვრთნელო შტაბთან ერთად დაითხოვეს, მისი შემცვლელის ვინაობა კი ჯერჯერობით უცნობია.დავიდე ბალარდინიმ "კალიარის" მთავარი მწვრთნელის თანამდებობაზე 9 ნოემბერს მასიმო ფიკადენტი შეცვალა. მას შემდეგ გუნდმა მისი ხელმძღვანელობით 17 მატჩი ჩაატარა, 4 გამარჯვება მოიპოვა, 6 ფრე ითამაშა და 7 შეხვედრა დათმო.
"კალიარი" 27 ტურის შემდეგ სერია A-ს მიმდინარე სეზონში სატურნირო ცხრილში 17-ე ადგილზეა და საკუთარ აქტივში 31 ქულა აქვს.
