ალბერტო აკვილანი "მილანის" სრულფასოვანი წევრი გახდება. ამის შესახებ ნახევარმცველის აგენტმა განაცხადა."კონტრაქტში არსებობს პუნქტი, რომლის მიხედვით, თუ აკვილანი "მილანის" რიგებში 25 შეხვედრას ჩაატარებს, "როსონერის" უფლება ექნება, ფეხბურთელი "ლივერპულისგან" გამოისყიდოს.
არ მგონია, მილანელებმა ეს შესაძლებლობა ხელიდან გაუშვან. ეს მათი მხრიდან სისულელე იქნება", - განაცხადა ფრანკო ზავალიამ.
შეგახსენებთ, რომ ამ დროისთვის აკვილანმა "მილანის" მაისურით 22 მატჩი ჩაატარა.
მომზადებულია milannews.it-ის მიხედვით
