"მილანის" თავდამსხმელმა ზლატან იბრაჰიმოვიჩმა "ბარსელონასთან" ჩემპიონთა ლიგის მეოთხედფინალური მატჩის წინ კატალონიელთა ფორვარდ ლიონელ მესისა და მადრიდის "რეალის" ფეხბურთელ კრიშტიანო რონალდოს შორის პარალელი გაავლო. შვედი ფეხბურთელის თქმით, პორტუგალიელი არგენტინელს ნიჭიერებით ვერ შეედრება.
"მესი ნამდვილი ტალანტია, რონალდო კი წარმატებებს ვარჯიშის წყალობით აღწევს", - განაცხადა იბრაჰიმოვიჩმა.
ფეხბურთელმა იმაზეც ისაუბრა, რატომ არ მღერის შვედეთის ჰიმნს ნაკრების ოფიციალური მატჩების წინ:
"იმ წუთებში მხოლოდ მომავალ მატჩზე ვარ კონცენტრირებული. ამას გარდა, სიტყვები არ ვიცი".
