"ჰამბურგმა" არტიომ რუნდნევსის სახით იმედისმომცემი თავდამსხმელი იყიდა, მაგრამ რაკი მის გარდა ჩრდილოგერმანული კლუბის მთავარი მწვრთნელის, ტორსტენ ფინკის განკარგულებაში წინა ხაზისთვის მხოლოდ მინ სონი და მარკუს ბერგი არიან, HSV-ის თავკაცი შექმნილ ვითარებას სარისკოდ მიიჩნევს. გაზეთ "ჰამბურგერ აბენდბლატის" ცნობით, კლუბის სპორტულმა დირექტორმა ფრანკ არნესენმა ტურინის "იუვენტუსისგან" მიიღო შეთავაზება:
"ბებერი ქალბატონი" "ჰამბურგს" 32 წლის თავდამსხმელის, 2006 წლის მსოფლიოს ჩემპიონის, ვინჩენცო იაკვინტას არენდით აყვანას სთავაზობს.
"იუვე" თანახმაა, იაკვინტა გერმანიაში ერთი წლით გაანათხოვროს.
ყოველდღიური სპორტული გაზეთი "ლელო"
