26 ოქტომბერს ღამით სერია A-ს მეორეადგილოსან "ნაპოლის" შესახებ ორი ნეგატიური ინფორმაცია გავრცელდა: კლუბის ხელმძღვანელებს და ფეხბურთელებს მანიპულაციებში ედებათ ბრალი, უეფამ კი ნეაპოლელებს სოლიდური ჯარიმა დააკისრა.საქმე ეხება 2009/2010 წლების სეზონის მატჩს, რომელშიც "ნაპოლიმ" გენუის "სამპდორიას" უმასპინძლა და 0:1 წააგო.
16 მაისს მოპოვებული ამ გამარჯვებით გენუელებმა ჩემპიონთა ლიგის საგზური მოიპოვეს და როგორც ირკვევა, კლუბები შედეგზე წინასწარ მორიგდნენ.
იტალიის ფეხბურთის ფედერაციის ინფორმაციით, "ნაპოლის" ამჟამინდელმა და ყოფილმა ფეხბურთელებმა მატეო ჯანელომ, პაოლო კანავარომ, ჯანლუკა გრავამ და სილვიო ჯუსტიმ გარიგების შესახებ იცოდნენ.
გამოძიება ბარის პროკურატურის
ამასთან, უეფამ "ნაპოლი" ტიფოზების ცუდი საქციელის გამო 150 000 ევროთი დააჯარიმა და გარდა ამისა, ევროპალიგის მომდევნო საშინაო მატჩში (დნიპროსთან) "სან პაოლოზე" 13 სექტორი ცარიელი იქნება.
ეს აიკ-თან მატჩის შედეგია, რომლის დროსაც ნეაპოლელებს ამ კლუბის ორი ფანი შემოელახათ.
ყოველდღიური სპორტული გაზეთი "ლელო"
