"მილანის" ფორვარდმა რობინიომ განაცხადა, რომ ძალიან უნდა "როსონერიში" დარჩენა და კლუბთან კონტრაქტის გახანგრძლივება."მინდა, "მილანთან" ახალი კონტრაქტი გავაფორმო. სეზონი მაღალ ნოტაზე უნდა დავასრულო და საამისოდ დარჩენილ მატჩებში ყველაფერს ვიზამ, რათა თავი გამოვიჩინო. ამის შემდეგ კი უკვე კონტრაქტის გახანგრძლივებაზეც ვილაპარაკებთ.
გარწმუნებთ, რომ დარჩენილი ექვსი მატჩი არ იქნება ბოლო ჩემთვის "მილანში", - უთხრა 29 წლის ბრაზილიელმა Goal.com-ს.
