მიუხედავად იმისა, რომ "ბაიერნთან" კონტრაქტი 2016 წლამდე აქვს გაფორმებული, საფეხბურთო გერმანიაში ეჭვი მაინც არავის ეპარება იმაში, რომ მარიო გომესი მიუნხენური გრანდიდან წავა. როგორც ჩანს, 27 წლის თავდამსხმელი რეკორდმაისტერის მომავალი მწვრთნელის, ხოსეპ გვარდიოლას გეგმებში მართლაც არ ჯდება.4 ივნისის ნომერში "ნაპოლის" დაინტერესებაზე ვწერდით, ახლა კი ირკვევა, რომ მარიოს გადაბირებაზე ფლორენციაშიც სერიოზულად ფიქრობენ. მეტიც: ჩვენი გერმანელი და იტალიელი კოლეგების ცნობით, "ნაპოლიმ" და "ფიორენტინამ" გომესზე აუქციონი გააჩაღეს. 5 ივნისს მარიო თავის მრჩეველ ული ფებერს შეხვდება და ეს უკანასკნელი შექმნილ ვითარებას გააცნობს.
გერმანული გაზეთი
"ბილდი" იმასაც წერს, რომ გომესმა "ბაიერნიდან" წასვლა 100 პროცენტით გადაწყვიტა, რადგან გვარდიოლას უთქვამს, სხვანაირი თავდამსხმელები მომწონსო. მარიოს კი სათამაშო პრაქტიკა სჭირდება იმისათვის, რომ გაისად მსოფლიოს ჩემპიონატზე წაიყვანონ...
ყოველდღიური სპორტული გაზეთი "ლელო"
ასევე იხილეთ:
მარიო გომესი "ნაპოლიში"?
