ტურინის "იუვენტუსის" ესპანელმა ახალწვეულმა ფერნანდო ლორენტემ განაცხადა, რომ მისი ახალი კლუბი იმავე დონისაა, როგორიც "ბარსელონა" და მადრიდის "რეალია". მან ეს შატილიონში "იუვენტუსის" საწვრთნელო შეკრებისას გამართულ პრესკონფერენციაზე განაცხადა.
მან იტალიაში გადასვლა სწორედ ამით ახსნა, რადგან მიაჩნია, რომ "ბილბაოდან" "ბებერი ქალბატონის" შემადგენლობაში გადასვლა კარიერაში წინგადადგმული ნაბიჯია.
პროვოკაციულ კითხვაზე, რამდენი ტიტული აქვს "იუვენს", ბასკმა ღიმილით მიუგო - 31. შეგახსენებთ, რომ "იუვენტუსი" იტალიის ჩემპიონი ოფიციალურად 29-ჯერ გახდა, 2 ტიტული მას "კალჩოპოლის" სკანდალისას ჩამოერთვა, თუმცა "იუვეს" ფანები მაინც მიიჩნევენ, რომ მათი კლუბი 31-ჯერ გახდა ჩემპიონი.
ფერნანდო ლორენტე: უკვე ტურინის "იუვენტუსის" ნაწილად ვგრძნობ თავს
