ანდრეა მანდორლინიმ "ვერონა" 2010 წელს ჩაიბარა და 3 სეზონში გუნდი ლიგა პროდან სერია A-ში აიყვანა. თუმცა მესამე სეზონია, მანდორლინის "ვერონა" წვალობს იტალიის ელიტარულ ლიგაში, მიმდინარე გათამაშებაში კი სულაც ბოლო ადგილზე დაეშვა და გავარდნის ყველაზე რეალური კანდიდატია. სწორედ ამიტომ კლუბის მესვეურებმა მწვრთნელის გათავისუფლების გადაწყვეტილება მიიღეს - აი, რა წერია "ვერონას" ოფიციალურ ვებგვერდზე:
"მადლობას ვუხდით ანდრეა მანდორლინის გაწეული შრომისთვის და სამომავლოდ, მას დიდ წარმატებას ვუსურვებთ. კლუბის მესვეურებისთვის მეტად მძიმე იყო აღნიშნული გადაწყვეტილების მიღება, მაგრამ ამ ეტაპზე, ეს იყო აუცილებელი ნაბიჯი, რომელმაც გუნდი
ვინ გაწვრთნის "ვერონას"? - ამ კითხვაზე მხოლოდ ერთი დღე იმარჩიელეს - კანდიდატი კი რამდენიმე იყო: მურატ იაკინი, ეუჯენიო კორინი, ალბერტო მალეზანი და ფრანჩესკო გვიდოლინი.
თუმცა "ჰელასის" ხელმძღვანელობამ ყველა განაცვიფრა - გუშინ ვერონელებმა ოფიციალურად წარადგინეს ახალი მწვრთნელი - ლუიჯი დელნერი. ხელშეკრულების დეტალები არ გასაჯაროებულა. დელნერი ბოლოს "ჯენოას" წვრთნიდა, საიდანაც 2013 წელს წავიდა. შეგახსენებთ, რომ მას ისეთი კლუბები გაუწვრთნია, როგორებიც "პორტუ", "რომა" და "იუვენტუსია". სხვათა შორის, დელნერი ვერონაში დიდხანს მუშაობდა, ოღონდ მეორე კლუბში - "კიევოში".
"ფეხბურთში დაბრუნება ძალიან მინდოდა და მადლობა პრეზიდენტ მაურიციო სეტის ამ შესაძლებლობისთვის. "ვერონა" დიდი გუნდია, მდიდარი ისტორიით.
აქ მოსულს საკმაოდ კვალიფიციური შემადგენლობა დამხვდა და ძალიან კარგად ვხედავ გადარჩენის პერსპექტივას. მანდორლინი ბოლო შედეგებმა დააღალატა, თორემ "ვერონაში" კარგად ჩანს მის მიერ შესრულებული სამუშაო.
ყველაფერს გავაკეთებთ, რომ სერია A-დან არ გავვარდეთ. ჯერ 4-3-3 ტაქტიკით დავიწყებთ და ვნახავთ, რისი შეცვლა შეგვეძლება. ისეთი გუნდი მინდა მყავდეს, რომელიც შეუტევს, თუნდაც დიდ გუნდებს. "ჰელასში" ბევრი კარგი ფეხბურთელია: ტონი, პაცინი, ჰალფრედსონი, ვივიანი, სალა და სხვები".
ყოველდღიური სპორტული გაზეთი "ლელო"
