საფრანგეთის ნაკრების მთავარი მწვრთნელი ლორან ბლანი ამ დღეებში პოლონეთში ქალაქ ზაბეჟოვსა და კრაკოვში იმყოფებოდა. პირველში მან საფეხბურთო ბაზა მოინახულა, მეორეში - სასტუმრო, სადაც ის თავის გუნდს ევრო 2012-ის დროს დააბინავებს. მიუხედავად იმისა, რომ ბლანმა არ იცის, სად მოუწევს მის გუნდს თამაშების ჩატარება, მას უკვე გადაწყვეტილი აქვს, რომ პოლონეთში დაბინავდეს და არა უკრაინაში. სხვათა შორის, ანალოგიური გადაწყვეტილება მიიღო გერმანიის საფეხბურთო კავშირმაც.
ლეგენდარული ფრანგი ვიზიტის შედეგების შესახებ პოლონურ პრესას გაესაუბრა. ბლანმა გულწრფელად განაცხადა, რომ ზაბეჟოვის ბაზაზე მაინცდამაინც მაღალი წარმოდგენის არ დარჩენილა. მუსიე
ამას გარდა, აღმოჩნდა, რომ ბაზაზე გასახდელები მეტისმეტად პატარაა იმისთვის, რომ ფრანგების მთლიანმა დელეგაციამ ერთდროულად მოახერხოს იქ მოხვედრა. “35 ადამიანისთვის, ფეხბურთელების, სამწვრთნელო შტაბის, ექიმებისა და მასაჟისტებისთვის ერთდროულად ამ გასახდელებში ყოფნა აბსოლუტურად წარმოუდგენელია. აუცილებელია, რომ ფართობი ბევრად უფრო მეტი იყოს,” – აღნიშნავს ბლანი.
ბაზის ხელმძღვანელობა თავის მხრივ ბლანს არწმუნებს, რომ მის შენიშვნებს გაითვალისწინებენ და როგორც მინიმუმ გაზაფხულისთვის ყველაფერს წესრიგში მოიყვანენ. მათი თქმით, ნახევარი წელიწადი კიდევ წინ არის და მოსწრებით ყველაფერი მოესწრება, თუმცა დარწმუნებულები არიან, რომ ამდენი დრო ნამდვილად არ დასჭირდებათ. ბლანი ამ დღეებში ქალაქ ვარკასაც ეწვევა, სადაც ის მეორე საფეხბურთო ბაზის დათვალიერებას აპირებს.
ყოველდღიური სპორტული გაზეთი "ლელო"
