"მარსელის" 21 წლის განელი თავდამსხმელის ანდრე აიუს განცხადებით, ის მოხარულია, რომ მისმა თამაშმა "არსენალის" თავკაცი არსენ ვენგერიც კი მოხიბლა. შეგახსენებთ, რომ ჯერ ერთი კვირაც არაა გასული მას შემდეგ, რაც ფრანგმა სპეციალისტმა პრესასთან ანდრეს მიმართ ქება-დიდება არ დაიშურა. მუსიე ვენგერმა განაცხადა, რომ მისი გუნდი შეტევაში კარგად დაკომპლექტებული რომ არ იყოს, აუცილებლად იფიქრებდა ამ ფეხბურთელის გადაბირებაზე. "მოგატყუებდით, რომ მეთქვა, ისეთი ცნობილი მწვრთნელის მხრიდან ქება, როგორიც ვენგერია, არ მსიამოვნებს-თქო. ის დიდი მწვრთნელია, ვინც "არსენალთან" ერთად ბევრ რამეს მიაღწია. მისი ნათქვამიდან გამომდინარე, შეიძლება ვიფიქრო,
გუშინწინ "მარსელმა" საფრანგეთის თასზე "ლანსი" 4:0 გაანადგურა. ეს დიდიე დეშამის ბიჭების ზედიზედ მეორე გამარჯვება იყო, რაც შეიძლება იმის ნიშანი იყოს, რომ გუნდმა კრიზისს თავი დააღწია და ამიერიდან შეძლებს ცხრილში მისთვის უფრო შესაფერისი ადგილებისკენ ნელ-ნელა სვლას. "ლანსთან" თამაშის ხარისხით და ანგარიშით აღფრთოვანებული დარჩა პროვანსელთა საყრდენი ნახევარმცველი შარლ კაბორე: "კარგია, რომ გავიმარჯვეთ. თანაც მაგრად ვიდექით დაცვაში და ბრწყინვალედ გამოვიყურებოდით შეტევაში.
ამ მატჩის დამთავრების შემდეგ როგორც იქნა გავიღიმეთ. ყველაფერი "აიაჩოსთან" გამარჯვებით დაიწყო და ამ შეხვედრაში გაგრძელდა. მიუხედავად იმისა, რომ გუნდისთვის პრიორიტეტი ლიგა 1-ში კარგი თამაშია, ლიგის თასზეც ვეცდებით წარმატების მიღწევას, რადგან ესეც მნიშვნელოვანი ტურნირია. აუცილებლად უნდა აღვნიშნო, რომ 4-4-2-ზე დაბრუნების შემდეგ უფრო მეტად შევძლებთ შეტევების ორგანიზებას და გოლების გატანას. ამას გუნდისთვის განსაკუთრებული მნიშვნელობა აქვს."
აქვე გეტყვით, რომ "მარსელის" ხელმძღვანელობა "სევილიიდან" 24 წლის არგენტინელი ცენტრალური მცველის ფედერიკო ფასიოს შეძენას გეგმავს. სამხრეთამერიკელი გუნდის სასტარტო შემადგენლობაში ხშირად ვერ ხვდება. ლა ლიგის თამაში ძირითადში მან სულ ორჯერ დაიწყო და ერთხელაც შეცვლაზე შევიდა. ფეხბურთელის ტრანსფერი სულ რაღაც 3 მილიონ ევროდ არის შეფასებული.
ყოველდღიური სპორტული გაზეთი "ლელო"
