მისი თქმით, დღევანდელ გუნდს ნამდვილად არ აქვს იმის პოტენციალი, რომ ტურნირზე გამარჯვებისთვის იბრძოლოს. ინტერვიუ მან ფიფას ოფიციალურ ვებგვერდს მისცა. "ნუ ელოდებით ჩემგან ყალბ პატრიოტულ განცხადებებს. მიმაჩნია, რომ საფრანგეთის ამ ფორმაციის ნაკრებს არა აქვს ის თვისებები, რაც მას ევროპის ჩემპიონატის მოგებაში დაეხმარება.
გუნდს შემადგენლობაში ჰყავს მაღალი კლასის ფეხბურთელები, მაგრამ ნაკრებში ისინი 100%-ით ნამდვილად არ იხარჯებიან. უკანასკნელმა ამხანაგურმა თამაშებმა დაამტკიცა, რომ ჩვენს ნაკრებს მაქსიმუმ ფავორიტებისთვის ნერვების მოშლა შეუძლია.
რაც შეეხება
ემანუელმა ინტერვიუში კომენტარი გააკეთა "ოქროს ბურთისთვის" ბრძოლაზეც. ფრანგისთვის 2011 წლის მსოფლიოს საუკეთესო მოთამაშე კრიშტიანო რონალდოა. "ჩავი იმსახურებს წლის ფეხბურთელის პრიზს, რადგან ის "ბარსას" ნამდვილი ლიდერია. მას ბურთი დაცვიდან შეტევაში გადააქვს, ქმნის მომენტებს და თავადაც იტანს.
მესის კი კატალონიელთა თამაშში ჯადოქრული ელემენტები შეაქვს. ის უფრო მეტად ჰგავს მოთამაშეს საფეხბურთო სიმულატორზე, ვიდრე ცოცხალ ფეხბურთელს, მაგრამ ამის მიუხედავად ჩემს ხმას კრიშტიანო რონალდოს მივცემდი. პორტუგალიელი მინდორზე ნამდვილი დომინანტია, მით უფრო, რომ "რეალში" თამაში უფრო რთულია, ვიდრე "ბარსელონაში," - თქვა პეტიმ.
ყოველდღიური სპორტული გაზეთი "ლელო"