“პარი სენ-ჟერმენის” სატრანსფერო მიზნებთან დაკავშირებით ბოლო 7-8 თვის განმავლობაში იმდენი ფეხბურთელის გვარი დასახელდა, რომ მსგავს პრეცედენტს მეორეს ვერც ვიხსენებთ. კლუბის სახელი ფრანგული სპორტული გამოცემების პირველი გვერდებიდან დიდი ხანია არ ჩამოსულა. ამჟამად “ლურჯ-წითლების” სახელს ორ მეგავარსკვლავს უკავშირებენ. ერთი მხრივ, მათ “მანჩესტერ სიტიდან” კარლოს ტევესის გადაბირება სურთ, პარალელურად კი “მილანიდან” ალეშანდრე პატოს შეძენაზეც არ აუღიათ ხელი, ოღონდ უკვე მომდევნო სეზონისთვის. მართალია, ამ უკანასკნელმა საფრანგეთში კარიერის გაგრძელება იუარა, მაგრამ მოვლენათა ამგვარ განვითარებას სამომავლოდ მაინც არ გამორიცხავს პარიზელთა მთავარი მწვრთნელი კარლო ანჩელოტი.
“პატოსთან დაკავშირებით
იგივე “გაძეტა დელო სპორტი” ირწმუნება, რომ კარლოს ტევესის “პარი სენ-ჟერმენში” ტრანსფერი მასა და “მანჩესტერ სიტის” შორის უკვე შეთანხმებულია და ამ ისტორიას წერტილი მალე დასმება. არგენტინელს სათამაშო პრაქტიკა სექტემბრის შემდეგ არ ჰქონია. გაზეთის მტკიცებით, პარიზელები ფეხბურთელში 36-37 მილიონ ევროს გადაიხდიან.
გაურკვეველია მხოლოდ ფეხბურთელის პირადი კონტრაქტის დეტალები. პსჟ ტევესს 7 მილიონ ევროს სთავაზობს, კარლოსის აგენტი კია ჯურაბჩიანი კი 10 მილიონს ითხოვს. ანჩელოტიმ რამდენიმე დღის წინ უკვე განაცხადა, თუკი არგენტინელთან ხელფასზე შეთანხმება ვერ მოხერხდა, კლუბს სათადარიგო ვარიანტებიც აქვსო. ვინ იგულისხმა, მწვრთნელს არ დაუკონკრეტებია.
ტევესის შესახებ კომენტარი გააკეთა მისმა ამჟამინდელმა დამრიგებელმა რობერტო მანჩინიმაც. 47 წლის იტალიელმა სპეციალისტმა ისურვა, რომ მხარეებს შორის ურთიერთობას რაც შეიძლება მალე დაესვას წერტილი.
“ურთიერთობის გაწყვეტა ორივე მხარისთვის საუკეთესო გამოსავალი იქნება. ზუსტად არ ვიცი, ამჟამად სად უნდა მას კარიერის გაგრძელება, მაგრამ დარწმუნებით შემიძლია გითხრათ, რომ “მილანთან” მოლაპარაკება არ უწარმოებია. “ინტერთან” და “პარი სენ-ჟერმენთან”? შეიძლება, აი, “როსონერის” კი გამოვრიცხავ. “სიტიში” ოდესმე კარლოსის დაბრუნება კი აბსოლუტურად გამორიცხულია,” - უთხრა მან “გაძეტას”.
აქვე გეტყვით, რომ “ფრანს ფუტბოლის” ცნობით, “ინტერი” და “პარი სენ-ჟერმენი” უკვე შეთანხმდნენ ტიაგო მოტას ტრანსფერზე. ბრაზილიური წარმოშობის იტალიელი ფეხბურთელი “პარკ დე პრენსზე” უახლოეს ხანებში გადავა სათამაშოდ. “ნერაძური” 29 წლის ფეხბურთელში 10 მილიონ ევროს მიიღებს.
ყოველდღიური სპორტული გაზეთი "ლელო"
