ჩემპიონატის ლიდერი "პარი სენ-ჟერმენი" იმ გუნდს ეწვია, რომელსაც მიმდინარე სეზონში შინ ათ შეხვედრაში წაგება არ ჰქონდა. მასპინძელ გუნდს აფრიკის თასზე გამგზავრებული ფეხბურთელები აჰმედ და მაკონდა კანტარები, ასევე ომარ დაფი აკლდნენ. თავის მხრივ სტუმრებს სიაკა ტიენე არ ჰყავდათ. ჩვენთვის უცნობი მიზეზების გამო განაცხადში არ იყო ჟერემი მენეზიც. კარლო ანჩელოტის შეგირდები სტატისტიკას არ შეუშინდნენ და მეტოქეს პირველივე წუთებზე თავბრუ დაახვიეს. გოლის მომენტში დედაქალაქელებს ორმაგად გაუმართლათ - გამოცდილი ჯონათან ზებინა ტრავმის გამო მინდორს გარეთ იყო. მისი შემცვლელი ფარიდ ფერაჯი ჯერ სარბენ ბილიკებზე ხურდებო
და რაც მთავარია, ნენეს ჩაწოდება მილან ბიშევაცს ფეხზე მოხვდა და მეკარისგან შორეულ ძელთან ამიტომ გავიდა. გამოცდილმა გოლკიპერმა სტივ ელანამ იმედგაცრუებისგან ხელებიღა გაშალა. ბუნებრივია, მრავლისმნახველი ზებინას ნაცვლად ფერაჯის გამოსვლამ არც შემდგომ შეუწყო ხელი ბრესტელთა თავდაჯერებულ ასპარეზობას. 24 წლის ფეხბურთელი ხომ არამხოლოდ მიმდინარე სეზონში, არამედ ზოგადად კარიერაში პირველად მონაწილეობდა ლიგა 1-ის შეხვედრაში და შესამჩნევადაც ნერვიულობდა. ამის მიუხედავად მასპინძლებმა ორიოდე ხიფათის მაგვარის შექმნა მაინც შეძლეს. თავის გამოჩენა შეეძლოთ მარიო ლიკასა და ალექსანდრ ალფონსს.
არ გადავაჭარბებთ თუ ვიტყვით, რომ მეორე ტაიმი საშინელი სანახავი იყო. პსჟ დაცვაში იმდენად მობილიზებული იყო, რომ მასპინძლებს მომენტების შესაქმნელად კლასი არ ჰყოფნიდათ. რაც შეეხება ფავორიტთა სახელგანთქმულ თავდასხმას, ხავიერ პასტორეს არყოფნაში "ლურჯ-წითლების" შემტევები დაბნეულები იყვნენ. ისეთი შთაბეჭდილება რჩებოდა, რომ მინიმალური ანგარიშით გამარჯვების საწინააღმდეგო არაფერი ჰქონდათ. ჰოდა ყოველივედან გამომდინარე შედეგი ლოგიკური იყო. მეტი გოლი აღარ გასულა.
საფრანგეთი. ლიგა 1. XXI ტური
ოსერი-ნანსი 1:3
გოლები: 0:1 მოლო (68), 0:2 ნიკულაე (69), 0:3 ნიკულაე (77), 1:3 ე. სისე (82)
ბრესტი-პარი სენ-ჟერმენი 0:1
გოლი: 0:1 ბიშევაცი (6)
ლორიანი-სოშო 1:1
გოლები: 1:0 რომაო (63), 1:1 ბაკამბუ (80)
ლიონი-დიჟონი 3:1
გოლები: 1:0 ბრიანი (8), 1:1 სანხარე (61), 2:1 გომისი (82), 3:1 ლაკაცეტე (90)
ნიცა-მონპელიე 0:1
გოლი: 0:1 ჟირუ (90)
ტულუზი-კანი 1:0
გოლი: 1:0 რივიერი (35)
ლილი-სტ. ეტიენი 3:0
გოლები: 1:0 აზარი (50) პენ, 2:0 რუ (86), 3:0 რუ (87)
ევიანი-ბორდო 0:0
ვალანსიენი-აიაჩო 1:2
გოლები: 0:1 ედუარდო (6), 1:1 აბუბაქარი (48), 1:2 კინკელა (90)
რენი-მარსელი 1:2
გოლები: 1:0 დუმბია (14), 1:1 აპამი (44) სკ-ში, 1:2 შეირუ (77)
სატურნირო მდგომარეობა
თ მ ფ წ ბ ქ
1. პსჟ 21 14 4 3 35-18 46
2. მონპელიე 21 13 4 4 41-23 43
3. ლილი 21 10 9 2 36-21 39
4. ლიონი 21 12 2 7 34-23 38
5. მარსელი 21 10 7 4 31-19 37
6. რენი 21 10 5 6 32-25 35
7. ტულუზი 21 9 7 5 22-20 34
8. სტ. ეტიენი 21 9 6 6 24-24 33
9. ბორდო 21 6 9 6 22-23 27
10. ლორიანი 21 6 8 7 21-24 26
11. ბრესტი 21 4 12 5 20-20 24
12. ევიანი 21 5 8 8 28-32 23
13. ნანსი 21 5 7 9 22-29 22
14. დიჟონი 21 6 4 11 24-39 22
15. აიაჩო 21 5 6 10 24-38 21
16. ვალანსიენი 21 5 5 11 20-25 20
17. კანი 21 5 5 11 24-32 20
18. ოსერი 21 4 7 10 28-35 19
19. სოშო 21 4 7 10 22-36 19
20. ნიცა 21 4 6 11 21-25 18
ბომბარდირები: 15 - ოლივიე ჟირუ (მონპელიე), 9-9 - ნენე, კევინ გამეირო (ორივე პარი სენ-ჟერმენი), ლოიკ რემი (მარსელი), 8-8 დენის ოლიეჩი (ოსერი), ჟირეს ეკოკო (რენი), ბაფეტიმბი გომისი (ლიონი), ბრაის ჟოვიალი, ბენჟამინ კორნე (ორივე დიჟონი), ედენ აზარი (ლილი)
ყოველდღიური სპორტული გაზეთი "ლელო"
