ფრანგული კლუბის "პარი სენ-ჟერმენის" მთავარმა მწვრთნელმა კარლო ანჩელოტიმ იტალიელ ჟურნალისტებთან განაცხადა, რომ ზაფხულში მისი კლუბი "მილანიდან" ბრაზილიელი ფორვარდის, ალეშანდრე პატოს გადაბირებას კლავაც შეეცდება. შეგახსენებთ, რომ ამ ზამთარს პსჟ-მა "როსონერის" ხელმძღვანელობას ფეხბურთელის ტრანსფერთან დაკავშირებით, წინადადებით მიმართა, მაგრამ უარი მიიღო.
"თავდასხმის ხაზის გასაძლიერებლად ამ ზამთარს რამდენიმე თავდამსხმელს ვაკვირდებოდით, მათ შორის, პატოსაც. ზაფხულში ბრაზილიელის გადაბირებისთვის უფრო მეტ ძალისხმევას მივმართავთ", - თქვა ანჩელოტიმ.
