საფრანგეთის მეორე ლიგაში მოასპარეზე "ანჟერის" რიგებში ახლო მომავალში შესაძლოა 17 წლის კამერუნელი ნახევარმცველი ლიონელ მესი გამოჩნდეს.მესი 10 ფეხბურთელთან ერთად აღნიშნული გუნდის სინჯებზე იყო და მწვრთნელებს მოეწონათ.
"სამწუხაროდ, ეს ის ლიონელ მესი არაა, რომელიც "ბარსელონაში" თამაშობს, არამედ კამერუნელი ფეხბურთელია. ამჟამად ის "ტულუზ-ფონტენში" გამოდის", - ნათქვამია "ანჟერის" ოფიციალურ ვებგვერდზე.
მოთამაშეს, რომლის სრული სახელი და გვარი ლიონელ მესი ნიამსია, პროფესიონალური კონტრაქტი შესთავაზეს. თანხმობის შემთხვევაში ის მომავალ სეზონში "ანჟერის" ფეხბურთელი გახდება.
