პსჟ-ს მთავარმა მწვრთნელმა კარლო ანჩელოტიმ "მონპელიეს" მოპოვებული ჩემპიონის ტიტული მიულოცა."შესანიშნავი სეზონი ჩავატარეთ, მაგრამ ჩემპიონატის მოგება მაინც ვერ შევძელით. ახლა რთული სათქმელია, რა არის ჩვენი წარუმატებლობის მიზეზი.
ვეცდებით, ამ არცთუ სასიამოვნო მდგომარეობიდან გაკვეთილი მივიღოთ. დარწმუნებული ვარ, რომ მომავალში წარმატება გველის. სრულ ჩავარდნას მეორე ადგილზე გასვლასაც ვერ ვუწოდებთ. ყოველ შემთხვევაში, ჩემპიონთა ლიგაში ასპარეზობის უფლება მოვიპოვეთ ისე, რომ საკვალიფიკაციო რაუნდს არ გავივლით.
ნებისმიერ შემთხვევაში "მონპელიეს" ვულოცავ", - განაცხადა კარლო ანჩელოტიმ.
