"პარი სენ ჟერმენის" მთავარმა მწვრთნელმა კარლო ანჩელოტიმ "ლორიანთან" საფრანგეთის ჩემპიონატის პირველი ტურის მატჩში დუბლის შემსრულებელი თავდამსხმელი ზლატან იბრაჰიმოვიჩი შეაქო. თუმცა საკუთარ მოედანზე ორი ქულის დაკარგვაზეც დაიჩივლა. შეხვედრა ფრედ 2:2 დასრულდა.
"იბრაჰიმოვიჩმა ფანტასტიკურად ითამაშა. ცუდია, რომ შეხვედრის პირველ ნახევარში დაბალანსებულად ვერ ვმოქმედებდით. მეორე ტაიმში უკეთ ვმოქმედებდით და მტკიცე ხასიათიც გამოვავლინეთ. თუმცა აუცილებელი იყო, რომ ერთი მთლიანი ორგანიზმივით გვემოქმედა", - აღნიშნა იტალიელმა სპეციალისტმა.
