საფრანგეთის ნაკრების მთავარი მწვრთნელი დიდიე დეშამი იმედოვნებს, რომ მისი გუნდი მსოფლიოს 2014 წლის ჩემპიონატის საგზურს პირდაპირ მოიპოვებს. "საფრანგეთის ნაკრების მაისურით ასპარეზობა ჩემს კარიერაში ყველაზე საამაყო რამ გახლდათ. ასეთივე პატივი იქნება ჩემთვის ამ გუნდის მთავარი მწვრთნელობა.
ჩემთვის და ჩემი ფეხბურთელებისთვის უპირველესი ამოცანა იქნება მსოფლიოს ჩემპიონატის ფინალურ ეტაპზე მოხვედრა.
გასაგებია, რომ ესპანეთი ფავორიტი იქნება, მაგრამ ჩვენი მხრივ, ყველაფერს გავაკეთებთ, რომ შესარჩევი ციკლი პირველ ადგილზე დავასრულოთ.
ფეხბურთელებისგან მოვითხოვ, რომ ბოლომდე დადონ თავი სანაკრებო თამაშებისას, რათა ფრანგმა ხალხმა კვლავ იამაყოს თავისი ეროვნული ნაკრებით. ურუგვაისთან
ამიტომ, გარკვეულწილად, ჩემთვის დატოვებულ მემკვიდრეობას დავჯერდი. ჩემი მიზანია, ლორან ბლანის მიერ დაწყებული საქმე გავაგრძელო, თუმცა, ბუნებრივია, რომ რაღაცებს ჩემებურად გავაკეთებ," - ამბობს დეშამი.
აქვე გეტყვით, რომ დიდიეს შეკრებაზე გამოძახებული ფეხბურთელებიდან არსენალელი ლორან კოშელნი დააკლდება.
26 წლის ცენტრალურმა მცველმა ამ უქმეებზე "კიოლნთან" ამხანაგურ შეხვედრაში (4:0) მარცხენა ფეხის კუნთი დაიზიანა. ლორანი, წესის თანახმად, სამშობლოში ჩაფრინდა, კლერფონტენის ბაზაზე ნაკრების ექიმებს გაესინჯა და უკან ლონდონში დაბრუნდა.
მთავარი მწვრთნელის განკარგულებაში შემდეგი ფეხბურთელები არიან:
მეკარეები: უგო ლორისი (ლიონი), სტივ მანდანდა (მარსელი).
მცველები: გაელ კლიში (არსენალი), მატიე დებუში (ლილი), პატრის ევრა (მანჩესტერ იუნაიტედი), კრისტოფ ჟალე, მამადუ სახო (პარი სენ-ჟერმენი), რაფაელ ვარანი (რეალი), მაპუ იანგა-მბივა (მონპელიე).
ნახევარმცველები: ეტიენ კაპუე (ტულუზი), მაქსიმ გონალონი (ლიონი), მარვინ მარტენი, რიო მავუბა, დიმიტრი პაიე (ყველა ლილი), ბლეზ მატუიდი (პარი სენ-ჟერმენი), ფრანკ რიბერი (ბაიერნი), მატიე ვალბუენა (მარსელი).
თავდამსხმელები: ქარიმ ბენზემა (რეალი), ჯიმი ბრიანი, ბაფეტიმბი გომისი (ორივე ლიონი), ოლივიე ჟირუ (არსენალი).
ყოველდღიური სპორტული გაზეთი "ლელო"
