საფრანგეთის ლიგის თასის დარჩენილი 4 მერვედფინალიდან მხოლოდ სამი გაიმართა, კორსიკაზე დაგეგმილი "ბასტია"-"ოსერი" უამინდობის გამო გადაიდო.ყველაზე დიდ ინტერესს, რა თქმა უნდა, ფრანგული ფეხბურთის კლასიკა, პსჟ-"მარსელი" იწვევდა. მიუხედავად იმისა, რომ მატჩი ლიგის თასის ეგიდით იმართებოდა, გუნდებმა თითქმის იდეალური შემადგენლობით ითამაშეს.
შეხვედრის ბედი 27-ე წუთზე გადაწყდა, როდესაც როდ ფანიმ საკუთარ საჯარიმოში იუხეშა. არბიტრმა სტუმართა კარში არამარტო პენალტი დანიშნა, არამედ ფანის წითელი ბარათიც უჩვენა. 11-მეტრიანი ზუსტად ტიაგო სილვამ დაარტყა და მასპინძლები დააწინაურა.
"მარსელმა", მიუხედავად კაცნაკლულობისა, გაბრძოლება სცადა, მაგრამ მეორე ტაიმის დებიუტში ჟერემი მენეზის
გათამაშებას გამოეთიშა ერთ-ერთი ფავორიტი "ლიონი", რომელიც სტუმრად "ნიცასთან" "ბლიცკრიგში" დამარცხდა.
1/4-ფინალის წყვილები უკვე ცნობილია. 27 ნოემბერს ერთმანეთს შეხვდებიან: "მონპელიე"-"ნიცა", "ბასტია"/"ოსერი"-"ლილი", "სენტ ეტიენი"-პსჟ, "რენი"-"ტრუა".
ლიგის თასი. 1/8-ფინალი
ნიცა-ლიონი 3:1
გოლები: 1:0 ეისერიკი (6-პენ), 1:1 გომისი (7), 2:1 მ. ტრაორე (9), 3:1 სიველი (15).
მონპელიე-ბორდო 1:0
გოლი: 1:0 ტინანი (61).
პსჟ-მარსელი 2:0
გოლები: 1:0 ტიაგო სილვა (29-პენ), 2:0 მენეზი (50).
ბასტია-ოსერი გადაიდო
ყოველდღიური სპორტული გაზეთი "ლელო"
