თავიდან აგორდა ხმები კრიშტიანო რონალდოს "რეალიდან" "პარი სენ-ჟერმენში" შესაძლო გადასვლაზე. ამის მიზეზი კი პარიზელთა სპორტული დირექტორი ლეონარდოა. ლეონარდომ მედიას რამდენიმე საგულისხმო ფრაზა უთხრა, რომელთაც აქვე გთავაზობთ:
კრიშტიანო რონალდოზე
"ყველამ კარგად უნდა ვიცოდეთ, რომ კრიშტიანო რონალდო "რეალის" ფეხბურთელია და მასთან ხელშეკრულება აკავშირებს. ჩვენ არ დავკავშირებივართ პორტუგალიელს და არც მის აგენტთან გვილაპარაკია ამ საკითხზე.
თუმცა, თუკი რონალდო სეზონის ბოლოს მადრიდიდან წასვლას გადაწყვეტს, ცხადია, ის ამას რომელიმე უბრალო კლუბის სასარგებლოდ არ გააკეთებს. სულ 4-5 კლუბია მსოფლიოში, სადაც შეიძლება ის გადავიდეს და მათ შორის
ლეო მესიზე
"ლეო მესის დამატების არანაირი შანსი არა გვაქვს. არგენტინელი არასოდეს წავა "ბარსელონადან".
ჟოზე მოურინიოზე
"ვფიქრობ, პრესაში ყველაფერი გაბუქებულია - პირადად, ვერ ვხედავ მიზეზს, რის გამოც ჟოზე მოურინიო "რეალიდან" წავა".
პსჟ-ის გეგმებზე
"ფრანგული ლიგის ვერმოგება იქნება დიდი ჩავარდნა. იგივეს თქმა შემიძლია ქვეყნის თასზეც, მაგრამ ჩემპიონთა ლიგაში ფავორიტი "ბარსელონაა". თუმცა ეს არ ნიშნავს, რომ ჩვენ არ გვაქვს შანსი. ახლა სულ რაღაც 6 მატჩი გვაშორებს ლიგის ფინალთან".
ფიფას 2012 წლის სიმბოლურ ნაკრებზე
"არ ვიცი, ვინ მისცა ხმა ამ ნაკრებს, მაგრამ 11 საუკეთესო ფეხბურთელში არ იყოს ტიაგო სილვა? ეს ხომ შეუძლებელია".
ზამთრის ტრანსფერებზე
"ჩვენი ბაზარი დაიხურა ლუკას მოურას შეძენით. შესაძლოა, გუნდიდან ერთი-ორი ფეხბურთელი წავიდეს, სულ ეს არის".
ასევე იხილეთ:
"პარი სენ ჟერმენმა" ლუკას მოურა წარადგინა
პსჟ-ს კრიშტიანო რონალდოს და ჟოზე მოურინიოს შეძენა სურს
