13 თებერვალს მიუნხენის "ბაიერნის" ბაზაზე ინციდენტი მოხდა, ფრანგ ფრანკ რიბერის გასახდელში უცხო მამაკაცი შეუვარდა. ბავარიული კლუბის ბაზაზე, "საბენერ შტრასეზე", მავანი ფანი დაცვას რიბერის ახლობლად გაეცნო. ის შეუშვეს, შემდეგ კი შეხლა-შემოხლას ჰქონდა ადგილი.
"გასახდელში დავბრუნდი და ვხედავ, ჩემს ადგილას ვიღაც უცხო ზის. ვკითხე, ვინ ხარ და რა გინდა-მეთქი. მან მიპასუხა, რომ ჩემთან ლაპარაკი სურდა. ის ძალიან დამწუხრებულად გამოიყურებოდა. მართალია, არ შემშინებია, მაგრამ მცირე შოკი კი მივიღე. არა, ცუდი ბიჭი სულაც არ ჩანდა, მაგრამ, წარმოიდგინეთ, თან დანა რომ ჰქონოდა"?! - განუცხადა ფეხბურთელმა
რიბერიმ დაცვას განუცხადა, რომ არ იცნობდა ამ ადამიანს და დაუპატიჟებელი სტუმარიც ბაზიდან გაათრიეს. ფანი მათ წინააღმდეგობას უწევდა. შემდეგ დაცვის წევრებმა ისიც გაიხსენეს, რომ 2 კვირის წინათაც ნახეს ეს კაცი, ბაზაზე შეშვებას ითხოვდა. იყო ძაღლთან ერთად მისული და ამბობდა, რომ ძაღლი რიბერისთვის უნდა ეჩუქებინა.
ასევე იხილეთ:
ფრანკ რიბერი: რომელია ჩემზე უკეთესი?
