არგენტინელი არბიტრი უგო ვეგა "ხუვენტუდ კათოლიკასა" და "სპორტივო ლაგუნო ლარგას" შორის რეგიონალური ლიგის მატჩის შემდეგ საავადმყოფოში მოხვდა. შეხვედრის მსვლელობისას "ხუვენტუდ კათოლიკას" ფეხბურთელები მსაჯს თავს დაესხნენ და გონების დაკარგვამდე სცემეს.შეხლაშემოხლა მეორე ტაიმის შუაგულში მოხდა, როდესაც ვეგამ არბიტრთან დავისთვის "ხუვენტუდის" ერთერთი მოთამაშე მინდვრიდან გააძევა. ამის შემდეგ ფეხბურთელებმა მსაჯს და მის თანაშემწეებს ცემა დაუწყეს.
არბიტრმა თქვა, რომ ამგვარ სიტუაციაში პირველად მოხვდა. ვეგამ ხაზი გაუსვა, რომ მას ფეხებითა და ხელებით ურტყამდნენ და ძალიან შეშინდა. "ხუვენტუდ კათოლიკას" პრეზიდენტმა ალეხანდრო აგირემ ფეხბურთელები დაიცვა. აგირეს თქმით,
"ხუვენტუდ კათოლიკასა" და "სპორტივო ლაგუნა ლარგას" შორის მატჩში ჩხუბი მაშინ დაიწყო, როდესაც ანგარიში 1:0 იყო "სპორტივოს" სასარგებლოდ. არბიტრზე თავდასხმის გამო მატჩი შეწყდა. მიუსჯიან თუ არა "ხუვენტუდს" ტექნიკურ წაგებას არ არის ცნობილი.
