ლეგენდარული არგენტინელი ფეხბურთელის თაყვანისმცემლებმა სოციალურ ქსელ Facebook-ში კამპანია წამოიწყეს, რათა ყოფილი ფეხბურთელის და შემდეგ არგენტინის ნაკრების მწვრთნელის ათპესოიან მონეტაზე გამოსახვას მიაღწიონ.აღნიშნულ თემაზე შექმნილ ჯგუფში უკვე 15 ათასზე მეტი მომხმარებელი გაწევრიანდა.
არგენტინელი გულშემატკივრები ითხოვენ, რომ ათპესოიან მონეტაზე მანუელ ბელიგრანოს ნაცვლად მარადონა გამოსახონ. ბელიგრანოს გამოსახულების გადანაცვლებას ისინი 2-პესოიან მონეტაზე ვარაუდობენ.
გულშემატკივრების მხრიდან ათპესოანი მონეტის ამორჩევა შემთხვევითი არ არის, რადგან ლეგენდარული ფეხბურთელი ათნომრიანი მაისურით გამოდიოდა.
