ბრაზილიის "სანტოსმა" სამხრეთ ამერიკის ყველაზე პრესტიჟული კლუბური ჯილდო ლიბერტადორესის თასი მოიგო. 23 ივნისს ღამით "სანტოსმა" საპასუხო ფინალურ მატჩში თავის მოედანზე ურუგვაის "პენიაროლი" დაამარცხა, ანგარიშით 2:1.ერთი კვირის წინ პირველ მატჩში მონტევიდეოში ფრე 0:0 დაფიქსირდა.
საპასუხო თამაშში "სანტოსის" შემადგენლობაში გოლები ნეიმარმა და დანილომ გაიტანეს. 80-ე წუთზე, როდესაც ანგარიში 2:0 იყო ბრაზილიური კლუბის მცველმა დურვალმა ბურთი საკუთარ კარში გადაგზავნა.
"სანტოსმა" ლიბერტადორესის თასი მესამედ მოიპოვა.
მომზადებულია lenta.ru-ს მიხედვით
ნეიმარი მართლა ძაან მაგარია და მოურინიოს ხელში საოცრება გახდება.