არგენტინა ხომ გუნდი არააეს სიტყვები კოსტა რიკის ნაკრების არგენტინელ თავკაც რიკარდო ლა ვოლპეს ეკუთვნის. ასე მწარედ გააკრიტიკა მან სერხიო ბატისტას გუნდი ბოლივიასთან 1:1 დასრულებული შეხვედრის შემდეგ. ლა ვოლპემ ასე დაახასიათა მასპინძელთა ნაკრები: "არგენტინა გუნდი არაა, ეს არის ინდივიდუალთა კრებული, რომელიც თავისთვის თამაშობს. მაისურის ზურგზე დაწერილი გვარი თამაშს ვერ მოიგებს".
შეგახსენებთ, რომ ლა ვოლპეს გუნდმა პირველ ტურში კოლუმბიასთან 0:1 დათმო, ახლა კი ბოლივიას დაუპირისპირდება. ლა ვოლპეს მშობლიური ქვეყნის ნაკრებთან დაპირისპირება ჯგუფური ეტაპის ბოლოს მოუწევს.
სად მესი და სად ნეიმარი?!
არგენტინის
მენეზეშმა, დაისვენეთო
ბრაზილიის ნაკრებს არცთუ კარგი სტარტი გამოუვიდა კოპა ამერიკაზე, ხუთგზის მსოფლიოს ჩემპიონმა ვერ დაამარცხა ვენესუელას ნაკრები. მანო მენეზეში გამოსავალს ეძებს და ცდილობს ფეხბურთელებს ზედმეტი ზეწოლა აარიდოს თავიდან. ამიტომაც მან ბრაზილიელთა დროებით ბაზაზე დასვენების დღე გამოაცხადა. სხვათა შორის, დასვენების დღე მხოლოდ იმ ფეხბურთელებს არ მისცეს, ვინც პირველ ტურში ითამაშა, არამედ, დანარჩენებსაც.
ბატისტამ ერთი უკვე შეცვალა
არგენტინის ნაკრების მთავარმა მწვრთნელმა სერხიო ბატისტამ განაცხადა, რომ მეორე ტურში გარკვეულ ცვლილებებს განახორციელებს შემადგენლობაში. პირველი მსხვერპლი კი მარცხენა მცველი მარკოს როხოა, რომელიც მოსკოვის "სპარტაკში" თამაშობს. მის ნაცვლად სასტარტო შემადგენლობაში გამოვა პაბლო საბალეტა. ბატისტამ ისიც აღნიშნა, რომ ხავიერ პასტორეს ადგილს ნაკრებში მარცხენა ფლანგზე ხედავს.
გახდა ყველას უნდა
პარაგვაელი ლარისა რიკელმეს განაცხადი გუშინ შემოგთავაზეთ, მოდელი შეგვპირდა, რომ თუკი მისი ნაკრები კოპას მოიგებს, ის მოედანზე შიშველი გადაეშვება საზეიმოდ. ლარისას მიმდევრები გამოუჩნდნენ - გუშინ ვენესუელელმა მოდელმა დიოსა კანალესმა ანალოგიური განცხადება გააკეთა - დიოსა ამტკიცებს, რომ თუკი ვენესუელას ნაკრები კოპა ამერიკას მოიგებს, ის შიშველი წარდგება პუბლიკის წინაშე. არადა, გოგონებს თავიანთი პირობის შესრულება ალბათ არ მოუწევთ, პარაგვაისა და, მით უფრო, ვენესუელის გუნდები ფავორიტთა შორის არ არიან.
ყოველდღიური სპორტული გაზეთი "ლელო"
