ურუგვაის ნაკრები არგენტინაში მიმდინარე ამერიკის თასის პირველი ფინალისტი გახდა. ურუგვაელებმა პერუს ნაკრებს 2:0 სძლიეს. ორივე გოლი ინგლისური "ლივერპულის" თავდამსხმელმა ლუის სუარესმა 52-ე და 57-ე წუთებზე გაიტანა. მატჩის საუკეთესო ფეხბურთელადაც სწორედ იგი დაასახელეს. პერუელები 69-ე წუთიდან კაცნაკლულნი დარჩნენ. მსაჯმა მოედნიდან გუნდის კაპიტანი ხუან ვარგასი ურუგვაელთა მცველ სებასტიან კოატესთან უხეშობისთვის წითელი ბარათით დასაჯა.
ფინალში ურუგვაელთა მეტოქე პარაგვაი-ვენესუელას შორის, მეორე ნახევარფინალურ მატჩში გამოვლინდება. თუკი ურუგვაის ნაკრებმა კოპა ამერიკის წლევანდელი გათამაშების მოგება შეძლო, ამ ტურნირის გამარჯვებული მეთხუთმეტედ გახდება. აღსანიშნავია, რომ ყველაზე მეტჯერ ამერიკის თასი
კოპა ამერიკაზე ფინალური შეხვედრა 24 ივლისს გაიმართება.
