პარაგვაის ნაკრებმა 1979 წლის შემდეგ პირველად კოპა ამერიკის ფინალში გააღწია. 21 ივლისს ღამით პარაგვაელებმა ტურნირის ნახევარფინალში ვენესუელას გუნდს პენალტების სერიაში სძლიეს. ძირითადი და დამატებით დრო 0:0 დასრულდა, პენალტებში კი პარაგვაიმ 5:3 იხეირა.არადა, მატჩის დამატებით დროში მიზანთან ახლოს ვენესუელელები იყვნენ, რომლებმაც მეტოქის კარის ძელს ბურთი სამჯერ გაარტყეს.
შეგახსენებთ, რომ ამერიკის თასის გათამაშების 1/4 ფინალში პარაგვაელებმა ტურნირიდან ბრაზილიის ნაკრები, ასევე პენალტების სერიით გამოთიშეს.
ამრიგად, კოპა ამერიკის ფინალში ერთმანეთს პარაგვაისა და ურუგვაის ნაკრებები დაუპირისპირდებიან. შეხვედრა 24 ივლისს გაიმართება. მესამე ადგილისთვის მატჩში კი
პარაგვაის ნაკრებს ამერიკის თასზე ორჯერ გაუმარჯვია. ამ მხრივ ურუგვაელებს საამაყო ნამდვილად აქვთ - მათ კოპა ამერიკაზე 14-ჯერ გაიმარჯვეს.
