"სანტოსის" ახალგაზრდა ფორვარდი ნეიმარი ისეთი არჩევანის წინაშეა, მსოფლიოს ნებისმიერ ფეხბურთელს შეშურდება - ნეიმარმა განაცხადა, რომ "ბარსელონას" და "რეალს", ორივეს სურს მისი შეძენა, მაგრამ იქვე დაურთო, რომ ჯერ არჩევანი არ გაუკეთებია და მედიაში გავრცელებული ხმები, სინამდვილეს არ შეეფერება. ამას წინათ, ითქვა, თითქოს, ნეიმარი "ბარსელონას" უკვე ყველაფერზე შეუთანხმდა და რომ ის 2012 წლიდან კატალონიაში ითამაშებს. "რეალი" და "ბარსელონა" ცდილობენ ჩემს დაყოლიებას. ეს შემიძლია დავადასტურო, დანარჩენი კი უბრალოდ ჭორია. რა თქმა უნდა, ჩემთვის დიდი პატივია, როცა ასეთ გრანდებს ვაინტერესებ", - განაცხა 19 წლის
ბრაზილიელი ვეტერანი ფეხბურთელი რონალდო, რომელსაც ორივე კლუბში უთამაშია, ნეიმარს "რეალში" გადასვლას ურჩევს: "რა თქმა უნდა, "ბარსელონა" და "რეალი" ორივე დიდებული კლუბია, თუმცა ვიმედოვნებ, რომ ნეიმარი მადრიდში წავა, სადაც 5 სეზონი გავატარე.
იქ მისთვის უკეთესი სიტუაცია იქნება და გუნდსაც უკეთ მოერგება. ბრაზილიის ჩემპიონატი მეტისმეტად პატარაა უკვე ნეიმარისთვის. მას საკმარისად აქვს იმის ამბიცია, რომ მსოფლიოს საუკეთესო ფეხბურთელი გახდეს", - განაცხადა რონალდომ.
ყოველდღიური სპორტული გაზეთი "ლელო"
